مكنش قصدي
بقلم-سحر ابوالعلا
مكنش قصدي تبعدي
انا كنت اقصد بس تفهميني
كان كل أملي تقربي و تحسيني
تشوفي غيرتي خوف عليك
تفهمي اني شاريك
تحسي بلهفتي و قلقي عليك
مكنش قصدي اتملكك
و لا تحسي اني في
يوم بتحكم فيك
انا نفسي بس تعرفي
ان ابيع عمري و اشتريك
و ان حياتي ابدا
ما تغلاش عليك.
و ان شفتك فى عيون
حد منهم .
ببقي نفسي اخطفك
و فى قلب قلبي اخبيك
ازاي تقولي بخنقك
و انا كل همي احميك
ازاي تحسي اني بضايقك
و انا بس نفسي ارضيك
يا بنتي و أمي و صحبتي
حبيبتي انت و جنتي
و دنيتي اتجمعت فيك.
