الحب.. إحساس
بقلم / شيرين راشد
الحب إحساس مش كلام وخلاص ...
وبحبك مش كلمة حلوة دى نغمة جميلة وغنوة بتهز الكيان وتسعد الروح والقلب كمان وتلون في عيونا الحياة وتنسينا الوجع والآه وتزيدنا طاقه وإصرار لجل نكمل المشوار.
لكن بشرط مين قالها ..! وقالها إزاى حاسيسها وطالعة م الوجدان ولا مجرد كلمة نطقها اللسان .
دلوقت بنسمعها كتير لكن مين عايشها مين حاسيسها .
مين صادق في حبة وقلبه جمرة نار.. نار تنور نار تدفي نار كلها خير وسلام نار الحب شوق ولهفة وبحر حنان .
الحب إحساس راقى بجد مش هزار وحروفه لؤلؤ أو مرجان وكل حرف له معنى والمعنى تمام...!!
( أ ) بتقول أنت الأمان ( ح ) حياتي أنت
( ب ) بروحي إفديك ( ك ) كأن نفسي بشوفها فيك ..
الحب دنيا وسكانها محظوظين لأنهم بجمال الحياة حاسين
وطول مافيه حب في قلوبنا هتفضل دنيتا بخير
ومين فينا ينكر أنه محتاج لحد يشاركة حياته ويكملة ولو في أخر الدنيا يحسة ويفهمه ويهتم به ويسأل عنه ويطبطب علي قلبه ويسهر معاة ويكلمة ولو غاب عنه يوم يعذرة حد يسمعه و يقدرة حد يطمن معاه ويطمنة .
لكن الغريب إن الحب قدر مش إختيار يجينا وقت مايحب ويختار ويدخل القلب بدون سابق إنذار لا يهمه جمال ولا مال ولا عمر الحب يا سادة مجنون ولا له سلطان واللي دق قلبه للحب عاش واللي ماحب للدنيا لسة مجاش