شاب يلقن أمه «علقة موت» ويطردها من بيتها طمعا في معاشها بكفر الشيخ
كتبت - غاده الحريري
ألقت مباحث مدينة دسوق بمحافظة كفر الشيخ، القبض على «م. أ» بتهمة الاعتداء على والدته، للاستيلاء على معاشها، إذ «شمر» ملابسه وأغلق الغرفة مع والدته ونزل عليها باللكمات المبرحة، متجردًا من كل أنواع الإنسانية.
حكت «دولت» الأم السبعينية المجنى عليها وعيناها متخفيتين من شدة الورم، تفاصيل ضرب ابنها لها ببشاعة، مؤكدة أنه فعل ذلك عندما تحدثت معه عن الأشخاص الذين يستضيفهم ليلاً.
وقالت الأم في مقطع فيديو: «نزل عليا بالضرب ملحقتش أحوش عن نفسي، وشي كان وارم أكتر من كده دا خف، ماأعرفش هو بيعمل كدة ليه، ساعتها كان وشي كله مكلكع، وربنا هيخلصني منه والله».
وأضافت أنها تعيش في غرفة منذ 15 عاما، بعدما طردها ابنها من بيتها، مؤكدة أنها تعودت على ضربه لها بسبب وبدون سبب، موضحة أن المشكلة كان سببها أنه يريد أن يأخذ منها نصف المعاش الذي تقبضه.
وتابعت «ابني طردني من شقتي من 15 سنة، وقعدني في أوضة جنب البيت، وكان بيطلب مني فلوس كهربا ومياه، وأنا مش معايا غير معاش جوزي، وعلى طول بيضربني من غير سبب، كأنه إنسان مش طبيعي».
مؤكدة: «بيجيب ناس غريبة كل ليلة الساعة 2 بالليل»، بحسب «دولت» حيث أنها تشاهد كل ليلة أشخاصا مجهولين، يدخلون بيت ابنها دون استئذان، ويمشون عند مطلع الفجر: «كل ليلة بيجي ناس غريبة، وبيباتوا في البيت لحد الصبح، ولما خفت منهم قولتله يابني مينفعش كده، راح ضاربني وقالي أنا أعمل اللي أنا عاوزه، ولولا الناس دي كان زماني ميتة على إيده».