بقلم:علي شعبان
نقرا وصايا سوا فيها عبر مكللي بالغار
وكل من اخد بالوصية ومضمونها يانيالو
اذا حبيت تعاشر رجل عاشر نجب أخيار
يلي شبيه الرجال الرجل بيزيد اجﻻلو
ومهما جرى اياك من صحبة اﻷشرار
كل همومهم كيف ع الناس يحتالوا
صاحب كريم النفس ابن الكريم البار
انضاقت عليك الدني بيفديك ب حالو
اما قليل اﻷصل مهما الدهر عليك جار
مارح يضحي بقشة او ينشغل بالو
صادق صدوق النفس عاسمعتك بيغار
عندو شهامة وحيا لو فقد كل اموالوا
الكذاب عن درب ابتعد خاين ندل غدار
ملعون لص بين البشر زمة وعهد مالو
كريم النفس لو بضيافتو قصرت رجال
ما ذم البيت وصاحبو ولا بخس باحوالوا
الخسيس لو تطعمو قنطار بيضل نكار
نجس ملحه ع ركباتوا شرفه على ديالوا
إياك تصدق وتسمع حكي النمام والثرثار
فيك يمدح وبفضلك مادام قاعد قبالو
أول ماتغادر وتمشي ضهرك إلو يندار
بيصير يشلي عليك وينم ويعيد اقوالوا
يوم ما تختار الدار اختارالجار قبل الدار
عن طينة الجار إسأل بلا خجل كيف افعالوا
وإياك تطعن بالجار لو بيكون الجار غدار
ثرثار دلدول شرير وزميمي كل اقوالوا
ولو ردت تخطب استهدي عانعم احرار
واسال ﻷبنك قبل لاب والام عن خالو
واخطب ام البنت قبل البنت واحزار
من بيت فيه المرا حكمت ع رجالو
نصيحة يلي بيزرع خير بدو يلم غمار
والله ب يبارك بالزرع ويزيد إغﻻلوا
قليل الخير دوم بيزرع شر مهما صار
مهما طال ﻻبد مايوم يوقع بشر اعمالوا