شهيد الشهامة..مقتل شاب علي يد متحرشين لمنعهم معكاسة فتاة فطعنوه بسكين بالسلام
في واقعة مأساوية، شهدت منطقة السلام في محافظة القاهرة، مقتل شاب في مقتبل العمر على يد شخصين، وذلك بعدما حاول منعهما من التعرض والتحرش بفتاتين أثناء خروجهما من المدارس، ليغضبا منه ويطاردانه، قبل أن يطعناه بآله حادة توفي على إثرها.
شقيقة المجني عليه سارة، حكت تفاصيل الحادث، قائلة: «أخويا كان شغال ومعاه توكتوك، بياكل عيش منه، وكان بيوصل واحدة وشاف شابين بيشتموا فتاتين، وبيتعدوا عليهم وهما خارجين من المدرسة، فنزل من التوكتوك بتاعه عشان يكلم الشباب دول، فمعجبهمش كلامه، واتخانقوا معاه».
أضافت، أن شقيقها قرر ترك الشابين والمضي لحال سبيله، إلا أنهما لاحقاه عن طريق «توكتوك» آخر، وكان بحوزتهما أسلحة بيضاء، قبل أن يضربوه ليقع قتيل، وتابعت: «قالوا قدام الناس كلها إنهم موتوه وخلصوا عليه».
في ختام حديثها، قالت شقيقة المجني عليه: «عاوزة حق أخويا إللي راح مننا عشان شهامته وجدعنته، أخويا كان طالع بياكل عيش على التوكتوك بتاعه، ومكانش بيعمل مشاكل مع حد، واللي قتلوه معترفين بإللي عملوه، وفي ناس من إللي كانوا واقفين شافوه، وهو بيتقتل ومعاهم فيديوهات للواقعة بس رافضين يطلعوها».