البنك المركزي يطرح اول عمله بلاستيكيه فى السوق فئة عشرة جنيهات فى عيد الأضحى
كتب / مصطفى الكومى
رسميا مصر تطرح أول عملة بلاستيكية من فئة العشرة جنيهات (بوليمر) والتي تم انتاجها باستخدام أحدث خطوط انتاج البنكنوت المطبقة في العالم بدار الطباعة الجديدة في العاصمة الإدارية الجديدة
•وجه العملة : مرسوم عليه مسجد الفتاح العليم ، رقم ( ١٠ ) بارز الملمس ، رمز المسجد في الضوء العادي بيظهر لونه فضي ، هتلاقي نافذه شفافة ودي أهم العلامات المميزة للورقة الجديدة ، و هتلاقي جزء من زهرة اللوتس و جزء آخر مُكمل ليها في خلف العملة بيتكاملوا سوا تحت آشعة الضوء ، لو حطيت الورقة تحت الاشعة فوق البنفسجية هتظهر زخارف إسلامية باللون الأصفر و الأخضر
•ظهر العملة : موجود مجسم لمسجد الفتاح العليم بيظهر باللون الذهبي في الضوء العادي و عند إمالة الورقة بيظهر بألوان مختلفة زي الأزرق و الأخضر ، تمثال لملكة مصر حتشبسوت و مكتبة الإسكندرية مطبوعين بتقنيات مؤمنة صعبة التزوير
البنك المركزي بدأ في تغيير تصميمات البنكنوت المصري مع تغيير خامة الطباعة من الورق الى البلاستيك و بكده مصر بقت رقم ١٩ عالميا في قائمة الدول اللي استبدلت القطن بالبوليمر في تصنيع عملاتها زي انجلترا و استراليا و كندا و الهند و روسيا و اليابان و غيرهم
من مميزات العملات البوليمر انها مقاومة للبكتيريا و الجراثيم - سهلة التنظيف - قابلة لإعادة التدوير - ضد المياه - صعبة التزوير - عمرها الافتراضي ٦ أضعاف العملات الورقية
خلال أسابيع يبدأ طرح العملة فئة ( ٢٠ ) ج و يتبعها باقي الفئات.