ياحاحا ساحلك شمالى يبعد يا دوب خطوه
فيه ناس هناك فى العلالى وعندهم سطوه
وانا قاعد أدعى لرملِك كل يوم يخضَرّ
وشربت انا المُــرّ...حّـرِك غَزّنى بمطوَه
...............................................
ناس تركب الموج وتتدلع على اللنشات
فاتحه المحافِظ تبعزق كل يوم ألوفات
تصرف ما تحسبش كام صرفت وكام باقى
باقى اللى باقى اتلهي وعيش كما الأموات
................................................
بيسألونى عن الحاحا بقول...دى تابعه للعلمين
بينى وبين البحر بكتيره يا دوب ساعتين
لكنهم جاروا عليا وأخدوا حقي ف النسمه
والقسمه ليهم دلع وانا هفضَل وريث الطين
.................................................
يا حاحا ياللا بلاش الخضّ فى المايه
(الكارته) فرض علينا ف روحَه وف جايه
هنقول ونتعب ويجروا بينا ع الدكتور
حتى المرور ع السكك محتاج ملاغيّه