فينك يا أمي وفين أيامك
كلمات ام هاشم العيسوي
متابعة - ممدوح السنبسى
وحشني يا أمي صوتك وكلامك
فينك يا امي وفينها ايامك
واحشني يا امي صوتك وكلامك
مش قادره اتحمل فكرة غيابك
تعالي يا امي في المنام وصليلي سلامك
ليه فارقتي وازاي وأمته مش قادره اتحمل
الكل حواليا وبحاول أبان قويه وأتجمل
يجعل تعبك في ميزانك وكل عذابك
اتمنيلي يا امي اصبر واتعافي لأجل اكمل
عدي اسبوعين وكأنهم سنين كتار
قوليلي يا امي سعيده والجنه ليكي نعم الدار
بشوفك في كل مكان ولا بيفارقني سرابك
كنتي خارجه من بيتنا وواخده القرار
كنتي اديني اشاره او حتي مهديلي
لقائنا في الجنه والمقعد اللي جنبك احجزيلي
طبتي حيه وميته وباعلي صوت بعشق يا امي ترابك
كنت اتعب وقبل ما انادي تيجي بالدوا وتقدميلي
رحلتي وسيرتك باقيه وبعدك صعب اعيش
كبرت يا امي في حضنك وبعده مفيش
وحشتيني ووحشتي والله كل أحبابك
الفرحه معاكي راحت والباقي منها حبة بقشيش
راضيه يارب بالقدر واللهم لا إعتراض
قادر تصبرني والقلب من الحزن فاض
ويسكنك الفردوس يا امي وسيدات الجنه اصحابك
يا جنة كنتي ع الارض وقلب ناصع البياض