قضية
الدكتور- أشرف القط
وهتعمل إيه الضحية
ومنين هتجيب دليل
والقاتل بندقية
في عيون حلو وجميل
كان مال الحب بيا
يعمل مني قضية
ورصاصته هيا هيا
مش باينة في القتيل
والشاهد قال: مجاش
والقاضي قاله عاش
ودمي يروح بلاش
وخد إخلاء سبيل
عدَّىٰ العُمر اللي عدَّىٰ
وليلاتي في المعاد ده
تطلع في القلب وردة
وتموت من غير دليل
وهتعمل إيه الضحية
ومنين هتجيب دليل
والقاتل بندقية
في عيون حلو وجميل