(1)(1).jpg)
كولر يكشف سر تألق مصطفى شوبير
كتب - تامر عبدالحليم
كشف كولر مدرب النادي الأهلي سر تألق مصطفى شوبير، وخروجه بشباك نظيفة في ثلاث مباريات أفريقية قوية: شباب بلوزداد وميدياما ويانج أفريكانز قائلا: مهم جدا في نادي كبير زي النادي الأهلي يبقى عندك حراس كويسين سواء الحارس الاساسي او الحراس اللي قاعدة على الدكة، تبقى مجهز كل الحراس، السر التدريب الكويس، معانا مدرب حراس كويس جدا ميشيل يانكون اللي بيدرب الحراس كويس جدا وبيبذل معاهم مجهود كبير طول الفترة الأخيرة، بيبذل مجهود مش بس مع الحارس الأساسي لكن كمان مع مع كل الحراس اللي معانا.
شوبير بقاله سنة ونص معانا بيتمرن بشكل جاد جدا انسان ايجابي جدا، رد فعله سريع جدا بيبذل مجهود غير عادي في التمرين النتيجة اللي انتوا شفتوها النهارده دي نتيجة تمرين سنة ونص وتعب سنة ونص، احنا مبسوطين جدا ليه ان هو قدر يبين جزء من إمكانياته لكن لسه قدامه كتير، وإحنا ان شاء الله سعداء إن إحنا عندنا حراس كويسين، وإن إحنا لسه عايزين نطور حراسنا أكتر، ويبقى عندنا دايما حراسنا تبقى أحسن مستوى.
(1)(1).jpg)