%20(1).jpeg)
ليلة رأس السنة
بقلم: محمد حبشي
السنة دي الفرحة كبيرة
باين في عيونها الغيرة
والحالة اللي أنت عايشها
رسمالك ضحكة جميلة
النظرة والبسمة وعيون ناس مبتسمة
الضحكة والفرحة والشوق والهمسة
لمسة الإيدين وضحكة العينين
وسلام الحبايب وأحنا متجمعين
نرقص ونغني والدنيا سعيدة
نفرح ونهني بالسنة الجديدة
نودع اللي راح مننا
ونسيب حزن كان جنبنا
ودموع نزلت يوم مننا
خلاص بقت ذكرى
نمحي أي كلمة هم
ندفن كل أوقات الغم
نفكر في اللي جاي أهم
نفكر بقي في بكرة
نفرح ونحب ونعيش الليالي
نبارك نهني كل الأهالي
وأنت وصحابك تروحوا ملاهي
وأنا وحبيبتي نتعشي في (باهي)
النظرة والبسمة وعيون ناس مبتسمة
الضحكة والفرحة والشوق والهمسة
لمسة الإيدين وضحكة العينين
وسلام الحبايب وأحنا متجمعين
نرقص ونغني والدنيا سعيدة
نفرح ونهني بالسنة الجديدة
